پیپلز پارٹی قیادت نے اپنے لہو سے جمہوریت کی آبیاری کی،شہید بھٹو کی جدوجہد آج بھی مشعل راہ ہے،مرکزی راہنما پیپلز پارٹی فرانس

پیرس (سٹاف رپورٹر) پیپلز پارٹی فرانس کے مرکزی راہنما قاری فاروق احمد فارقی نے پیرس میں میڈیا کو ایک انٹرویو میں کہا کہ پاکستان پیپلز پارٹی جمہوریت کی آبپاری کرتے ہوئے میدان میں اتری اورجب جب آمریت کے سائے گہرے ہوئے پاکستان پیپلز پارٹی نے ڈٹ کر مقابلہ کیا ۔ ان کا کہنا تھا کہ آج پاکستان میں جمہوریت کے جوبنیادی خدوخال رائج ہیں ان کو تشکیل دینے کس سہرا پاکستان پیپلز پارٹی کے عظیم لیڈر شہید ذوالفقار علی بھتو کے سر ہے۔

انہوں نے کہا کہ پیپلز پارٹی ہی وہ جماعت ہے جس نے جمہوریت اور ملکی بقاء و سلامتی کے لیے اپنی جانوں کا نذرانہ دیا ہے ۔ پیپلز پارٹی عوامی پارٹی ہے اور اس ملک کی عوام ہی ہماری طاقت ہے ۔

پاکستان پیپلز پارٹی فرانس کے سینئر ترین راہنما قاری فاروق احمد فاروقی کا پیرس میں پاکستانی اور اوورسیز نیوز نیٹ ورک سے خصوصی گفتگو کرتے ہوئے  کہنا تھا کہ اس ملک میں جمہوریت کی آبپاری پاکستان پیپلز پارٹی کے بانی چیئرمین ذوالفقار علی بھٹو دختر مشرق محترمہ بے نظیر بھٹو اور ہزاروں کارکنوں نے اپنے لہو سے کی ہے ۔

انہوں نے کہا کہ ملک کے عوام کی خوشحالی ملک کو دفاعی اعتبار سے ناقابل تسخیر بنانے قومی معیشت کو مستحکم بنانے ملک کو پہلا متفقہ جمہوری آئین دینے عالم اسلام کو ایک پلیٹ فارم پر متحد کرنے اور بے شمار شعبوں میں اصلاحات کرنے والی پاکستان پارٹی کا راستہ بار بار روکا گیا، پیپلز پارٹی کی قیادت نے ہر دور میں تمام رکاوٹوں کا آئین اور قانون کے دائرے میں رہ کر سامنا کیا ۔

انہوں نے مزید کہا کہ پیپلز پارٹی کے جواں سال چیئرمین بلاول بھٹو بلا شبہ خوشحال مستحکم پاکستان کی ضمانت ہیں ، ہمارے چیئرمین ہیں اور پیپلز پارٹی بلاول بھٹو کی قیادت میں متحد ہے، ذوالفقار علی بھٹو اور محترمہ بے نظیر بھٹو کی تمام تر خوبیاں اُن میں موجود ہیں ، چیئرمین بلاول بھٹو پاکستان کی عوام کے دلوں کی دھڑکن بن چکے ہیں اسی لیے آج ملک کا ہر فرد بے ساختہ کہہ رہا ہے کہ 2023ء کے انتخابات کے ہیرو بلاول بھٹو زرداری ہونگے۔

qari Farooq Ahmed Farooqi, said, Bilawal Bhutto, will, be, the, Prime, Minister,of,Pakistan, in, 2023